Mister, ginkalbo si misis matapos makitaan it buhok ro pagkaon

Bangladesh – Pilit nga ginkalbo  it sangka mister sa Bangladesh ro anang asawa matapos nga may makita nga  buhok sa anang pagkaon.

Base sa report,  sinalakay it mga pulis ro baeay it suspek matapos nga may magsugid kanda angot  sa natabu sa  mag-asawa.

Nakilaea ro mister nga si Bablu Mondal, 35-anyos, sa Joypurhat.

Suno sa pulisya, magapangatubang  si Bablu sa kasong “voluntarily causing grievous hurt,” ag  “outraging the modesty” it anang  misis nga 23-anyos.

Gindeklara man it  local human rights group nga ro insidente hay nagapamatuod eamang it padayun nga pagtaas it numero it pagpang-abuso sa kababayin-an sa Bangladesh sa pihak it mga kasuguan para maprotektahan ro mga raya.