KALIBO, Aklan — Bangud sa indi masarangang eubos nga kasubo matapos nga aywanan it anang misis, sangka mister ro nagbigti sa Brgy. Tagbaya, Ibajay, Aklan.
Patay eon kat masapwan it anang amo sa sueod mismo it anang panimaeay ro biktimang si Rodelio Bareliano, 37, residente it Fragante, Pandan, Antique ag presenteng nagatrabaho ag naga estar sa nasambitang lugar.
Base sa report it Ibajay Police Station, pasado alas-5:00 it hapon kat masapwan ro eawas it biktima nga nakabigti.
Sangka eubid ro ginamit it eaeaki sa pagbigti nga gin higot kara sa kisame it baeay.
Sa salaysay it anang amo nga si Leoven Castro, samtang naga pugo it binuead nga eambong hay nakibot eon lang imaw kat makit-an ro nakabigting trabahador nga insigida karang gin report sa kapulisan.
Gina sugid nga haeos daywang dag-un eon imaw nga gin aywanan it anang misis ag nagsunod sa ibang eaeaki.
Naga padayun pa ro imbestigasyon it kapulisan sa nasambitang insidente.
