KALIBO, AKLAN — Naninahan ro sangka mister matapos maghana nga magpakamatay pinaagi sa pag eabo sa anang tiyan ag pag eampos it bato sa anang ueo matapos magpamalibad nga makipagsiping ro anang misis sa Brgy. Estancia, Kalibo, Aklan.
Ro biktima nga sa maayos eon nga kundisyon hay gin kilaea kay Jerson Icay, alyas Kambal, 21, residente it nasambitang lugar.
Base sa imbestigasyon, naghalin sigon sa inuman ro biktima ag kat makauli hay gusto karang sumiping sa anang 17-anyos nga live-in partner nga si alyas Jen.
Bangud sa kahadluk nga uman nga mabuntis, haeos sang dag-un eon sigon nga owa gina pasugtan ni misis ro mga kalabit ni mister.
Gulpi eon lang sigon nga gumowa si mister bitbit ro anang sanduko nga may habang 13.5 inches ag gilayon nga gin eabo ro anang tiyan.
Owa pa sigon raya nakuntento ag bomo-oe pa it bato ag gin eampos sa anan g ueo.
Insigida man nga gin padangat sa Aklan Provincial Hospital ro biktima bangud sa mga gin angkon nga nina.
Naga padayun pa ro imbestigasyon it Kalibo PNP station sa nasambitang insidente.
