Kalibo Aklan —–Sangka daog eon lang ro kinahang-ean it Utah Jazz para umabante sa semifinals sa Western Conference matapos itumba ro Denver Nuggets sa Game 4 sa score nga 129-127.
Sa makaron abanse eon sa serye ro Jazz sa 3-1.
Naging makasaysayan ro hampang it magkaribal nga team kat magpainsigan sa tira sanday Donovan Mitchell nga nagta-o it 51 big points sa Utah, samtang si Jamal Murray man hay nagbuhi it 50 points para sa Denver.
Sa grabe ko init it alima ni Mitchell nakashoot it 15 halin sa 27 paghana samtang nakasueod man ro 17 tira halin sa 18 free throw lines.
Bangud sa performance ni Mitchell, nalinyada imaw sa mga legends nga sanday Michael Jordan, Allen Iverson ag Wilt Chamberlain.
Sa bahin ni Murray, imaw eamang ro Denver player nga nag-iskor it most-ever points sa sangka postseason game.
Ro anang offensive explosion hay naeampasan kara ro ginhimo kato ni Spencer Haywood nga 45 points sa NBA playoff game kato pang April 19, 1970.
