KALIBO, Aklan — Arestado ro sangka aktibo ag sangka resigned nga miyembro it Citizen Armed Forces Geographical Unit (CAFGU) matapos nga mag-eabag sa ginapatuman nga gun ban it Commission on Elections (Comelec) angot sa 2019 mid-term elections sa Madalag, Aklan.
Nakilaea ni P/Lt. Abdon de Mateo it Madalag Police Station ro mga suspek nga sanday Gerald Eleuterio, 47, sangka resigned CAFGU, residente it Brgy. Francisco, Tapaz, Capiz ag Yolito Resurrecion, 25, sangka active CAFGU nga naka-assign sa Brgy. Katipunan, Tapaz, Capiz.
Nabaeabagan sa sangka checkpoint ro mga suspek sakay it gin-arkilang habal-habal, kun sa siin, nakumpiska halin kanda ro sangka shot gun nga kargado it 13 bala, sangka .38 kalibre nga baril nga may 6 nga bala ag 6 pang extra nga bala ag sangka .45 kalibre nga baril nga may pitong bala.
Nakakulong eon sa Madalag Police Station ro mga suspek nga pwedeng magapangatubang sa kasong pageabag sa Omnibus Election Code ag illegal possession of firearms.
Naging hugut ro pagbantay it Philippine National Police ag Armed Forces of the Philippines sa seguridad sa bilog nga probinsiya it Aklan.
