Kalibo Aklan ——Balik operasyon eon ro Metro Kalibo Water District (MKWD) umpisa sa Hulyo 27 .
Raya ro ginkumpirma ni MKWD Acting General Manager Engr. Lydio Ureta kasunod it temporaryong pagsuspinde sa andang operasyon ko nagtaliwan nga Hulyo 17 agud nga taw-an it daean ro sanitation ag disinfection bilang proteksyon sa mga empleyado ag mga kliyente.
Nasyuran nga ginsarado anay ro billing ag collection sections it MKWD ko nagtaliwan nga domingo matapos nga ro asawa it sambilog sa andang empleyado hay nag positibo sa coronavirus disease (COVID-19) samtang nagahueat it schedule sa uman nga pagbalik kara sa trabaho bilang seafarer.
Gindugang pa ni Engr. Ureta nga ginkumpirma kanda ni Provincial Health Officer II Dr.Cornelio Cuatchon Jr. nga ko Hulyo 23 hay nagguwa ro resulta it Reverse Transcription Polymerase Chain Reaction (RT-PCR) test halin sa sangka pribadong ospital it 6 nga miyembro it pamilya nga may direct contact sa pasyente ag puro nag negatibo ro mga raya sa makamaeatay nga sakit .
Samtang, ginpahayag pa ni Engr Ureta nga indi sanda magasukot it penalty sa mga customers nga may due date nga Hulyo 17 pataas , kun sa siin, gin extend raya hasta sa Hulyo 31.
