KALIBO, Aklan—Nagpangayo it pasaylo ro Metro Kalibo Water District ukon MKWD sa andang mga kosumedor bangud sa naeskperyensiyahan nga maitom ag mahina nga supply it tubi ko mga nagtaliwan nga adlaw.
Suno kay Mr. Eric Buenavidez, tapaghambae it MKWD nga ko nagtaliwan nga dominggo hay nagpatigayon sanda it emergency repair and maintenance.
Bangud kara, owa sigon sanda nakapaguwa it advisory ukon panawagan sa publiko bangud nga sa mismong adlaw man nanda gin-ayos ro main line agud maibalik it uman ro supply it tubi./
Samtang , sa mga naka-eksperyensiya it problema sa andang supply it tubi hay pwedi eamang nga makipang-angot sa opisina it MKWD.
Magdaea eamang it record kung anong oras nag-umpisa ag nagtapos ro andang pagpatubod it tubi kung sa siin nakitaan it deperensiya./
Magatao man it billing adjustment ro ahensiya sa mga konsumedor nga nakaangkon it problema sa andang serbisyo.
