KALIBO, Aklan—Pagakabigon nga advance payment ro penalty nga ginsukot sa mga konsumidor nga nagbayad sa andang payment partner nga eampas eon sa due date it Metro Kalibo Water District ukon MKWD.
Raya ro ginklaru ni Engr. Lydio Ureta, OIC general manager it MKWD kasunod it ginpaabot nga mga reklamo.
Madumduman nga nauna eon nga ginlaygayan ni engr ureta ro mga konsumidor nga kon mahimo hay indi anay mag-agto sa andang taeatapan maskin nga bukas eon sanda sa Lunes Agosto 23 sa baylo hay ipa-agi ro transaction online eabi eon ro may mga account sa landbank ukon sa andang mga payment partner.
Ro mga may due date umpisa Agosto 13 hasta 25 hay indi pagasukton it penalty.
Nasayuran nga ko biyernes, Agosto 13 hay gin-umpisahan ro pagsarado it bilog nga main building it MKWD agud nga mataw-an it daean ro paglimpyo ag disinfection kasunod it pagpositibo it 27 nanda nga mga empleyado kun sa siin 15 pa ro aktibong kaso ukon padayun nga nagapamayad.
Bukas man ro andang opisina sa balete agud nga magpanukot.
Sa Agosto 31 maga-umpisa it pagbaton it payment ro andang main building.
