-- ADVERTISEMENT --
KALIBO, Aklan— Kabaliskaran sa naunang plano, indi eon pagapadayunon ro mock elections it Commission on Elections ukon Comelec sa banwa it Kalibo ag Malay bangud sa Kalibo Sto. Niño Ati-atihan Festival bilang kaparte kunta it pagpahaum sa maabot nga eleksyon.
Suno sa kay Comelec-Aklan Provincial Supervisor Atty. Elizabeth Doronilla nga sa Enero 19 kunta ro schedule kara, apang ginpaiway bangud sa festivity.
Katuyuan sigon it mock elections nga matestingan ro voting system nga pagagamiton nanda sa eleksyon sa Mayo 13.
Raya hay sangka simulation it bilog nga proseso it eleksyon halin sa deployment, mismong pagboto, consolidation ag transmission para mabilog ro kumpiyansa ag pagbaton it publiko sa Automated Election System.
