Sangka bag-ong pahumot sa Brazil ro literal nga hueas ro kapital bangud ro sangka ingredient kara hay hueas it sangka modelo!
Ginaistoryahan makaron sa Brazil ro modelo nga si Wanessa Moura bangud sa anang perfume line nga “Fresh Goddess” bangud ro kada bote kara hay may sueod it anang hueas!
Suno sa 29-anyos nga modelo ag social media influencer halin Sao Paolo, naisipan nana nga butangan it anang hueas ro pahumot bangud nga ro tanan nga anang naging karelasyon hay ginadayaw nga “sexy ag exciting” ro anang natural body odor.
Kada bote it “Fresh Goddess” hay may sueod nga 8 milliliters it hueas ni Moura.
Mag-eowas kara, ro base notes kara hay Mandarin orange, bergamot ag pink pepper.
Ginapabugae ni Moura nga sambilog sa anang fan nga nakagamit eon it anang pahumot hay daywang beses eon nga naimbitahan nga makipag-date bangud sa mapang-engganyo nga hugom it “Fresh Goddess”.
Sa makaron, mabakae ro nasambit nga pahumot sa Brazil ag nagabalor it 690 Brazilian Real ukon katumbas it P7,600 ro 150ml bottle kara.
