Sangka Versace model sa U.S. ro naggastos it $600,000 dollars sa pagparetoke agud nga maging kaitsura si Kim Kardashian.
Makaron hay nagahinoesoe ag nagaparetoke it uman agud nga maibalik ro dati nana nga itsura!
Nag-umpisa nga magparetoke si Jennifer Pamplona sa edad nga 17.
Naging manami ro resulta it una nana nga pagparetoke ag maabung nagdayaw nga naging kahawig nana si Kim Kardashian.
Bangud sa mga pagdayaw, nagparetoke it uman si Pamplona agud nga mas pa nga maging kamukha si Kardashian hasta nga nag-abot sa 40 beses ro gin-obra nga pagparetoke.
Naging sikat si Pamplona bilang ka-look alike ni Kardashian.
Nag-abot sa 1 million ro anang Instagram followers.
Apang na-realize ni Pamplona nga bukon imaw it masadya sa raya nga mga bagay.
Naka-experiensiya man imaw it depression bangud nga naduea-an imaw it identity.
Nagpatan-aw imaw sa naexperiensiyahan nga kondisyon ag natukiban it sangka doctor nga may una imaw nga body dysmorphia.
Ro body dysmorphia hay mental condition kun sa siin ro mga nakakaexperiensiya kara hay indi makuntento sa pisikal nana nga itsura nga ro sambilog sa resulta hay pagkahilig ukon adiksyon sa pagparetoke.
Bangud sa mental condition, gusto ni Pamplona nga ibalik ro natural nana nga itsura.
Naka-usoy imaw it plastic surgeon sa Istanbul nga naghambae nga masarangan nana nga ibalik ro dati nana nga itsura.
Sa balor nga $120,000 dollars, ginpabalik ni Pamplona ro dati nana nga itsura.
Apang bangud sa komplikasyon, owa eubusan nga naibalik ro dati nana nga itsura ag kinahangean pa nana nga magpamayad it pilang buean agud nga mapadayun ro surgery.
Samtang nagapamayad, nagpatindog it foundation si Pamplona sa Brazil agud nga buligan ro mga tawong nakakaexperiensiya it body dysmorphia.
