KALIBO, Aklan—Ginaeauman nga daywa ukon tatlong domingo hay magiging operational eon ro molecular testing laboratory sa Aklan provincial hospital.
Suno kay provincial administrator Atty. Selwyn Ibarreta nga pilang dokumento pa ro gina-asikaso it Provincial Health Office (PHO) partikular ro mga lisensiya nga kinahang-eanon.
Nagapadayun suno kana ro construction it building para kara.
Iga-assess pa sigon raya it mga taga-Department of Health (DOH) ag Research Institute for Tropical Medicine (RITM) sa pagahimuon nga inspeksyon.
Samtang, gindugang pa ni Atty. Ibarreta nga iya eon sa probinsiya ro PCR machine ag ibang mga kagamitan.
Igapaidaeum man sa training ro iga-assign nga MedTech sa nasambit nga pasilidad.
Gindugang pa it opisyal nga mabahoe nga bulig ro molecular testing laboratory bangud nga insigidang masayuran ro resulta it mga ginapa-examine nga specimen sample ag indi eon kinahangean nga ibiyahe sa Western Visayas Medical Center sa siyudad it Iloilo.
