Molot Quimpo, eubos ro pagpasaeamat sa gintao kana nga suporta it mga pumueoyo sa New Washington

KALIBO, Aklan–Eubos ro pagpasaeamat ni Molot Quimpo sa gintao kana nga suporta it mga pumueoyo matapos imaw nga magpanguna sa partial and unofficial nga resulta it botohan para sa pagka-bise alkalde it New Washington.

Nagapati si Quimpo nga bunga raya it mabuhay nana nga pagserbisyo kung siin nag-umpisa anay imaw bilang barangay tanod hasta nga naging konsehal it andang banwa.

Pila sigon sa gusto nana nga mataw-an it nagakaigo nga igtueopangod hay ro pagbutang it maayos nga water sewerage system sa mga gintukod nga housing unit sa pilang kabarangayan it New Washington.

Sa raya sigon nga pamaagi hay maprotektahan ro pangabuhian ag ikaayong eawas it mga pumueoyo eabi pa ag ro pagpangisda ro nagapangunang paeangitan-an sa andang banwa.