Ginpaathag ni Dr. Philip Ian Padilla, propesor it microbiology,s kun paalin maangkon it sangkatawo ro Monkey Pox (MPox).
Suno kana nga ro MPox hay medjo kapareho it chicken pox apang mas malala raya.
Ginatawag raya nga infectious disease nga pwede maangkon kun may direct contact sa sangka tawo sapat nga may nasambit nga masakit.
Dugang pa ni Dr. Padilla nga ginakabig raya nga indemic sa Central Africa apang nakikita eon man sa ibang nasyon.
Mageuwas sa rashes, makaeksperyensa man sigon it pagpaeanakit it eawas, nagapangeuya, sakit ueo, makatoe nga tutunlan, ag kun may kulani.
Paathag man ni Dr. Padilla nga uwa raya it bueong, kundi hueaton eon lang nga matapos kontrahon it eawas ro virus.
May bakuna ro nasambit nga masakit apang, bukon raya it common ag bukon it commercially available bangud sangkiri malang du supply.
