Gindeklara eon it World Health Organization (WHO) ro Monkeypox Outbreak bilang isaeang Global Health Emergency.
Raya hay matapos nga makalista ro WHO it masobra 16,000 nga numero it mga kaso it nasambit nga sakit sa 75 nga mga nasyon.
Gin-anunsyo ni WHO chief Tedros Adhanom Ghebreyesus matapos nga owa maka-angkon it kasugtanan ro andang committee of experts.
Sandig sigon sa andang assessment hay nagakalhit eon ro sakit nga monkeypox sa bilog nga kalibutan rason para itaas ro moderate risk sa tanan nga rehiyon mag-euwas eon lang sa European region kung siin high risk man ro ginpatigayon nga pagtaas it organization.
Ginpaathag ni Dr. Tedros nga madasig rayang magkalhit sa bilog nga kalibutan pamaagi sa new modes of transmission nga gin-amin man nandang maskin sanda hay nalisdan man nga intindihon.
Samtang, haeos tanan eon sigon tinamaan it monkeypox sa guwa it Africa, kung siin dikara una nga tumama ro nasambit nga sakit ag natabo sa mga eaeaking nakighieawas sigon sa kapareho man nga eaeaki.
Rason para mag-eontad ro outbreak sa maabu nga miyembro it LGBT community nga una eon nga nagpamalibad nga owa nakakabaton it nagakaigo nga atensyon ro monkeypox kapareho man sa natabo dati sa H.I.V. epidemic.
Madumduman nga sa unang parte it Mayo unang nareport ro surge it monkeypox infections sa guwa it mga nasyon sa West ag Central African countries.
