Namatay eon ro sambilog sa mga miyembro it K-pop boy band Astro nga si Moonbin.
Ro 25-anyos nga singer hay nasapwang patay sa sueod it anang baeay sa Gangnam District sa Seoul.
Base sa report it South Korean Police, mismong ro manager nana ro unang nakakita sa anang eawas.
Nagaguwa sa paunang mga report nga si Moonbin hay nagpakamatay apang ginahueat gihapon it mga otoridad ro opisyal nga resulta it anang autopsy para matumod ro kamatuoran sa likod it anang kamatayon.
Unang nakilaea si Moonbin ko 2016 kat maging miyembro it bandang Astra kaibahan ro mga orohinal nga miyembro it banda kaparehas nanday Jinjin, MJ, Sanha, ag Rocky.
Kaparte imaw it sangka sub-unit it nasambitang banda nga Moonbin & Sanha nga ko kan-o eamang hay nagpatigayon it concert sa Pilipinas.
