Gina-eauman nga magaresolba sa mga masunod nga adlaw ro mosyon nga nagapugong sa panel of prosecutors it Department of Justice (DOJ) maghalin sa pag-imbestiga sa daywang kasong murder nga ginpasaka kontra kay suspended Bureau of Corrections Director General Gerald Bantag.
Ro kampo ni Bantag ro nagdihon it motion to inhibit nga gin-alegr bilang mastermind ukon utok sa pagpatay sa mamahayag nga si Percy Lapid ag sa inmate ag middleman nga si Jun Villamor.
Gina-insister man ni Bantag nga ro Office of the ombudsman ro may hurisdiksiyon sa pag-imbestiga sa mga reklamong gindihon kontra kana.
Madumduman nga pinatawag ro suspended BuCorchief ag ginmanduan nga magdihon it anang counter affidavit sa murder complaints apang sa pihak kara imaw hay naghinyu it inhibition it panel it DOJ sa imbestigayon sa pamaagi it anang legal counsel nga si Atty. Rocky Balisong.
Ginkumpirma man ni DOJ Prosecutor General Benedicto A. Malcontento nga ginsinumite eon it andang panel for resolution ro mosyon ni Bantag.
