-- ADVERTISEMENT --
KALIBO, AKLAN — Patay eon kat makaabot sa Altavas District Hospital ro sangka motorcycle rider matapos bumunggo ro ginamanehong motorsiklo sa patrol car it Altavas PNP sa nasambitan nga banwa.
Gin kilaea ro biktimang si Ernesto Marcelino, residente it Brgy. Dalipdip, Altavas, Aklan.
Nagagowa sa imbestigasyon nga nagpang-agaw it linya it karsada ro motorsiklo dahilan nga bumunggo sa kilid it patrol car sakay ro daywang pulis ag sangka complainant.
Paagto konta ro mga pulis sa Brgy. Dalipdip sa pag-responde sa natabong kaguluhan kat matabo ro insidente.
Insigida man nga gin padangat ro biktima sa ospital apang, gin deklarang dead on arrival.
-- ADVERTISEMENT --
