Kalibo Aklan ———Naninahan ro sangka motorcycle rider matapos nga bungguan ag daeaganan it owa pa nakilaea nga driver sa national highway nga sakop it Brgy. Linabuan Norte, Kalibo.
Ro biktima nga nag angkon it lastro ag gasgas sa nagkaeain-eain nga parte it anang eawas hay nakilaeang si Kim Ryan Dela Cruz, 28-anyos ag residente it nasambit nga lugar.
Base sa report, sakay ro biktima it anang motorsiklo halin sa Kalibo ag nagapa-uli eon kunta kat bungguan it sangka baja nga motorsiklo nga ginamaneho it owa pa nakilaea nga driver .
Nag-eumpat sigon ro biktima sa anang motorsiklo rason nga nakaangkon it lastro samtang madasig nga nagpaeagiw ro nakabunggo kana .
Sa makaron hay nagapadayun ro imbestigasyon it Kalibo PNP sa insidente ag ro pagtumod sa pagkatawo it driver nga naka-hit and run sa biktima .
