KALIBO, Aklan—Nagapabilin nga naka-confine sa sangka ospital sa banwa it Kalibo ro sangka motorista matapos nga maaksidente sa Brgy. Bulwang, Numancia.
Ginkilaea ro driver nga si Reynold Gonzales, 25-anyos it Brgy. Aliputos, Numancia kaibahan ro backrider kara nga si Franci Ann Rose, 22-anyos it Brgy. Joyao-joyao sa nasambit nga banwa.
Ginasugid nga halin ro mga raya sa banwa Numancia paadto it Kalibo kat pag-abot sa nasambit nga lugar hay nasagi kara ro motorsiklo nga ginamaneho ni Andrew Cruz, 22-anyos it Brgy. Ortega, Libacao kaibahan ro backrider kara nga si Adrian Sarain, 21-anyos ag residente mat-a it Brgy. Poblacion sa nasambit nga banwa.
Bangud kara, natumba sanday Gonzales nga gintunaan it pag-angkon it mga raya it kasakitan ag lastro sa eawas.
Ro daywa hay insigidang gindaea sa nasambit nga ospital kon sa siin sanda makaron padayon nga ginabueong para sa nagakaigong medikasyon.
