Motorista, ninahan matapos nga maaksidente sa national highway nga sakop it Brgy. Tabangka, Numancia

Kalibo Aklan———-Ninahan nga gindaea sa Aklan Provincial Hospital ro sangka motorista matapos nga maaksidente sa anang ginamaneho nga motorsiklo bandang alas-11:56 kabie sa national highway nga sakop it Brgy. Tabangka, Numancia.

Ro driver nga nakaangkon it lastro sa ueo ag iba pang gasgas sa eawas hay ginkilaeang si Kit Cawaling, 31-anyos it Brgy. Marianos it nasambit nga banwa.

Ginasugid nga nadueaan raya it balanse sa anang ginasakyan nga behikulo bangud nga una raya sa idaeom it impluwensya it aeak kat nagamaneho sa anang motorsiklo.

Si Cawaling hay gilayon man nga nadaea sa baeay paboengan kon sa siin imaw sa makaron nagapabilin nga naka-confine para sa anang nagakaigong pagbueong.