KALIBO, Aklan—Ninahan ro sangka motorista matapos nga masagi it sangka saeakyan sa may Roxas Avenue, Kalibo.
Base sa report, ginkilaea ro driver nga si Jerro Laurente ag residente it Brgy. Bulwang, Numancia.
Samtang ro driver it saeakyan nga nakasagi kana hay ginkilaeang si Ivy Paderes, 35-anyos ag residente it Brgy. Bakhaw Sur, Kalibo.
Base sa inisyal nga imbestigasyon it Kalibo PNP, halin sa banwa it Numancia si Paderes kon sa siin pag-abot sa nasambit nga lugar hay magaliko kunta raya pa waea apang imaw man ro pagsoepot it motorista rason nga nasagi nana raya hasta nga inapok ro driver nga gintunaan it anang pag-angkon it lastro.
Si Laurente hay insigidang gindaea sa Aklan provincial hospital kon sa siin imaw sa makaron naka-confine para sa anang nagakaigong pagbueong.
