-- ADVERTISEMENT --
KALIBO, Aklan–Namatay samtang ginabueong sa ospital ro sangka motorista matapos nga maaksidente sa Brgy. Balusbos, Malay.
Nakilaea ro rider nga si Jethro Tumaob, residente it nasambit nga lugar.
Base sa imbestigasyon it pulisya, halin sa bahin it Brgy. Poblacion ro biktima ag maga-paadto kunta sa Brgy. Caticlan kat gulpi raya nga nadueaan it kontrol sa ginamaneho nga motorsiklo rason nga bumangga imaw sa poste.
Ginapahayag nga una sa idaeom it impluwensya it makahieilong nga ilimnon ro biktima ag medyo may kadasigon ro pagmaneho.
Ro biktima hay nag-angkon it fatal nga lastro sa ueo nga naging rason it anang kamatayon.
-- ADVERTISEMENT --
