-- ADVERTISEMENT --
KALIBO, Aklan—Bangud sa nagalinagsan nga ayam, sangka motorista ro sumemplang sa anang ginamanehong motorsiklo sa national highway nga sakop it Brgy. Estancia, Kalibo.
Ginkilaea ro driver nga si Reynaldo Reyes, 30-anyos ag residente it Purok 4, C. Laserna St. Kalibo.
Si Reyes hay nakaangkon it kasakitan ag gasgas sa pilang parte it eawas matapos nga matumba sa anang ginamaneho nga motorsiklo.
Una kara, nalikawan pa sigon nana ro naunang nagtabok nga ayam apang ro naglinagsan hay uwa eon kara nalikawan rason nga natigayon imaw nga naaksidente.
