Motorista tumumbabo matapos nga sumab-it sa nagalaylay nga telephone wiring sa Kalibo

KALIBO, Aklan–Sangka motorista ro tumumbabo matapos nga sumab-it sa nagalaylay nga telephone wiring sa may bahin it D. Maagma St., Kalibo.

Ginkilaea ro driver nga si Jan-Jan Antoy Fernando, residente it Brgy. Nawhon, Sebaste, Antique apang presenteng naga-board sa may bahin it Calachuchi road, Brgy. Andagao, Kalibo.

Si Fernando hay nakaangkon it kasakitan ag lastro sa kaeawasan matapos nga inapok halin sa anang ginasakyan nga motorsiklo.

Ginasugid nga halin pa sa probinsya it Antique ro driver ag magaduty eon kunta raya sa ginatrabahuan nga sangka gasoline station iya sa banwa it Kalibo.

Ro nasambit nga biktima hay insigidang gindaea sa Aklan provincial hospital kon sa siin imaw sa makaron naka-confine para sa anang nagakaigong pagbueong.