KALIBO, Aklan—Ginpabugae it pamunuan it Municipal Project Development Office (MPDO) nga maeapit eon lang matapos ro konstrukyon it gintukod nga slaughter house pinaagi sa Public–Private Partnership (PPP) sa banwa it Kalibo.
Suno kay MPDO-Kalibo Head Engr. Marlo Villanueva nga nagapadayun ro konstruksyon it pasilidad ag ginatinguhaan nga matapos sa buean it Abril.
Ro natungdan nga slaughter house suno kana hay “double A standard” kung siin ro pribadong kompanya ro maga-manihar kara ag may kontrata nga 25 anyos.
Pinaagi sigon sa rayang proyekto hay masiguro ro kalidad it karne nga ginabaligya sa mga nagapangunang merkado it banwa kamana man nga nag-agi sa standard nga proseso it pagkatay ro mga baboy ag posible eon nga maka-export ro lokal nga gobyerno sa ibang parte it nasyon.
Nagaeum si Engr. Villanueva nga matapos eon ro konstruskyon sa mas madali nga tyempo.
