AFRICA – Nagapabilin nga indi pa makontrol ro kaso it mpox sa mga nasyon sa Africa.
Suno sa Africa Centres for Disease Control and Prevention (Africa CDC) nga mahimo pa nga magtaas ro numero it mga kaso sa nagakeain-eain nga nasyon.
Nagadali ro mga nasyon sa Africa aud daeayon nga mapuksa ro virus.
Gusto abi it mga nasyon sa African Region nga indi eun mauman ro mahina nga health care system nanda ku nagtaliwan nga COVID-19 pandemic.
Base sa andang listahan nga naglobo it 177 percent ro kaso ag ro mga namatay hay umarangkada it 38.5 percent ro numero kun ikumpara ku nagtaliwan nga dag-on.
Matandaan nga gindeklara ku kan-o eamang it World Health Organization ro nasambit nga outbreak bilang public health emergency of international concern eabi eun ag may bag-ong variant nga nakit-an.
