Ginklaro it infectious disease expert nga si Dr. Rontgene Solante nga uwa it kaangtanan ro mpox ukon dating monkeypox sa human immunodeficiency virus (HIV). Ko 2022, natumod nga kaeabanan sa mga natapnan it mpox hay may HIV.
Nauna eon nga ginpahayag it Department of Health (DOH) nga ro mpox hay pwede man nga mai-transmit sa pinaagi it pakikipaghieawas ag ginkumpirmang pila sa mga aktibong mpox cases sa nasyon makaron hay positibong nakipaghieawas antes nakitaan it sintomas it sakit.
Paathag ni Solante, ro HIV hay eain nga klase it virus kumpara sa mpox. Ro HIV hay sangka progresibong klase it impeksiyon nga mismong amat-amat nga nagasamad sa immune system it tawo nga natapnan kara.
Suno pa kana nga ro mga sexually active individuals eamang ro high risk kara bangud sa andang behaviors. Apang, ro mga naeaeakot suno kana sa mga makarundaya nga klase it sexual behaviors hay high risk man nga matapnan it mpox bangud nga ro nasambit nga virus hay pwedeng maitransmit sa pinaagi it close ag intimate nga skin-to-skin contact.
