KALIBO, Aklan—Matapos nga makaangkon it isyu ro ginaplanong pagabak-eon nga eugta it lokal nga gobyerno it Kalibo agud nga patindugan it three-storey nga multi-purpose building nga pagabutangan it iga-relocate nga mga vendors it Kalibo public market, gin-offer ni Mr. Dan Salas ro anang eugta sa Oyo torong St. Kalibo.
Suno kana nga nagsueat imaw kay Kalibo mayor Emerson Lachica angot sa anang plano, apang imaw pa sigon ro nagguwa nga maeain.
Nagpanindugan si Salas nga owa imaw it maeain nga intensyon kundi nga gusto kara nga makabulig eamang.
Imaw pa sigon ro ginpasibangdan nga may hidden agenda kasunod it alegasyon nga pagkatapos it kontrata sa pagpagamit it anang property hay gusto kara nga angkunon ro ginpatindog nga istraktura kon sa siin suno sa pilang konsehal nga makabig raya nga graft and corruption.
Ideal sigon ro anang lugar bangud nga haeos walking distance raya sa sentro it komersiyo it Kalibo.
Madumduman nga pilang mga miyembro it Sangguniang Bayan it Kalibo ro nag-oponer sa eugta sa may Judge Martelino St. sa Brgy. Andagao, Kalibo bangud nga mag-eowas sigon nga mahae hay maeapit raya sa igapatindog nga bag-ong ospital.
