NATIONAL News — Gin-anunsyo it Department of Agriculture (DA) nga pagabawasan kara ro maximum suggested retail price (MSRP) para sa imported rice sa masunod nga buean.
Suno kay Agriculture Secretary Francisco Tiu Laurel Jr., ro maximum suggested retail price para sa imported rice hay igapanaba sa P49 per kilo umpisa sa Sabado, March 1, kun sa siin raya ro unang kahigayunan umpisa nga ginpatuman ro MSRP may an-um nga domingo eon ro nagtaliwan.
Sa pihak kara, ginpahayag it sekretaryo nga ro MSRP hay indi igapatuman sa bilog nga nasyon.
Sa baylo, ro DA hay magahimo it mas maabu nga “surgical” pinaagi sa pagpapanaog it MSRP sa pilang lugar sa Metro Manila, mga nagapangunang siyudad ag iba pang urban centers.
Sa pilang mga probinsiya suno kana hay na-monitor nanda nga ro presyo it imported nga bugas hay mas manaba pa sa andang gintaeana nga MSRP.
Madumduman nga ginpakilaea it DA ro MSRP ko January 20 nga nagtaeana it inisyal nga presyo nga P58 kada kilo.
Ro pagpatuman it MSRP sa imported rice hay ginakabig it DA bilang sangka “non-coercive measure.”
Amat-amat man nga ginabawasan it DA ro MSRP agud nga maging maugan ro transisyon para sa rice industry.
