-- ADVERTISEMENT --

Nakaangkon it phreatic eruption ro bulkang Bulusan sa Sorsogon, dominggo it agahon rason agud nga ipataas it Philippine Institute of Volcanology and Seismology (Phivolcs) ro alert status kara sa Alert Level 1 ukon low-level unrest, halin sa dating 0 eamang ukon normal.

Suno kay Phivolcs Director and Science Undersecretary Renato Solidum Jr., ro phreatic eruption hay nag-umpisa alas-10:37 it agahon ag nagbuhay it  16 minutos.

Angot kara, naobserbahan ro steam-rich grey plume nga umabot hasta sa sang kilometro ro kataason halin sa munisipalidad it Juban antes nga ginhuyop paadto sa nakatungdan nga bahin.

Ginpadumdum ni Solidum ro mga residente nga likawan ro four-kilometer radius permanent danger zone.