KALIBO, Aklan–Owa it alintro nga ginrespondehan ro driver it sangka multicab matapos nga aksidenteng mahueog sa kaeanasan nga sakop it Brgy. Cabatanga, Makato.
Ginkilaea ro biktima kay Jay-R Tabernilla ag residente man it nasambit nga lugar.
Base sa inisyal nga imbestigasyon it Makato Municipal Police Station nga pauli eon si Tabernilla sa andang panimaeay kat natabo ro insidente.
Nadueaan sigon raya it preno rason nga nadueaan imaw it kontrol ag aksidenteng nahueog ro ginamaneho nga multicab sa nasambit nga kaeanasan.
Insigida man nga gindaea sa ospital ro biktima matapos nga madueaan it alintro tuga it aksidente.
Sa makaron, madinaeag-on eon nga naboue maghalin sa kaeanasan ro multicab sa bulig man it gintingob nga pwersa it Bureu of Fire Protection ukon BFP Makato ag mga residente it nasambit nga lugar.
