KALIBO, Aklan—Hugut gihapon nga ginabantayan it Municipal Agriculture Office it Makato ro posibleng uman nga pag-atake it makahaealit nga rice black bug ukon itom nga bangag sa mga pananum nga paeay sa nasambit nga banwa.
Suno kay punong barangay Neil Tumbukon it Calangcang, Makato nga insigida nanda nga naaksyunan ag natapna ro pag-atake it nasambit nga insekto ko nagtaliwan nga adlaw kun sa siin sinako-sako ro nakolekta it pilang mga mangunguma sa lugar.
Naggamit sigon sanda it insecticide nga gin-provide it andang MAO.
Ginpamilit kara nga kinahangean nga mabantayan ro makahaealit nga insekto bangud nga kaeabanan raya nga naga atake sa mga paeay kon full moon ag kada nagahilapit ro anihan ukon harvest season.
Nagpadumdum man si kapitan Tumbukon sa mga mangunguma nga insigidang ipahisayod sa munisipyo engkaso nga may mataeupangdan nga pagtuhaw it rice black bug eabi eon kon maabu ro numero it mga raya sa andang lugar agud nga insigidang matapna.
