KALIBO, Aklan—Bukon it pabor ro opisina it Municipal Planning Development Office (MPDO) nga magpatuman it “No Movement Sunday” sa banwa it Kalibo.
Suno kay Engr. Marlo Villanueva it MPDO nga mabahoe ro magiging epekto kara sa ekonomiya it banwa bilang sentro it komersyo sa bilog nga probinsya it Aklan kamana man nga maabo nga mga transaksyon nga ginapatigayun kara.
Indi sigon dapat pagbalewalaon ro kalisod it mga apektadong sector partikular ro mga negosyante ag ro kita it pampublikong transportasyon.
Sa baylo hay balansehon sigon ro sitwasyon ag bukon it puro eamang pag-instrikto ro ipatuman.
Dugang pa kara nga ro sang adlaw nga pagpatuman it no movement kada dominggo hay mabahoe nga kawad-an bukon eamang sa ekonomiya it lokal nga gobyerno kundi maskin sa mga nagapanag-iya it negosyo.
Masami man sigon nga sa adlaw it Sabado ukon Dominggo nagapamakae ag nagapanindahan ro mga pumueoyo bangud raya ro andang bakanteng oras.
Madumduman nga nauna eon nga nagpatuman it “No Movement Sunday” ro mga banwa it Banga, Malinao, Ibajay ag Tangalan.
