Agud nga daeayong maging eowas sa African Swine Fever ukon ASF ro bilog nga probinsya it Aklan, ginsuhestyon ni Engr. Jun Agravante, presidente it association of Aklan livestock and poultry raisers sa gobyerno probinsyal nga magpatigayon it municipal quarantine border checkpoint.
Sa raya nga pamaagi suno kana hay masigurado nga uwa gid it makasueod nga karne ukon proccessed pork products sa mga kabanwahanan.
Ginpahayag dugang ni Engr. Agravante nga raya man ro andang ginatan-aw nga pamaagi para mapabilin nga uwa it matapnan nga sapat agud nga mapadayon ro pagiging supisyente it supply it nasambit nga sapat sa bilog nga probinsya it Aklan.
Nagapasaeamat sigon sanda sa naging tikang it gobyerno probinsyal bangud nga ro mga nagahueag nga supply sa Aklan hay halin mismo sa mga Aklanon hog raisers.
Apela man sigon it pederasyon sa publiko nga likawan gid nga magdaea it mga produkto maghalin sa mga kaeapit nga probinsya para masiguro ro kaeowasan it kasapatan sa Aklan.
