Kalibo Aklan ———-Temporaryong ginsarado ro munisipyo it banwa it Banga sa sueod it daywang adlaw nga epektibo umpisa makaron nga Lunes hasta hin-aga nga adlaw it Martes.
Raya hay matapos nga nagpositibo sa deadly virus ro sangka empleyado sa Office of the Mayor.
Bangud kara, ginpaidaeom sa swab test ro tanan nga anang mga nakahalubilo kadungan sa disinfection nga ginpatigayon sa nasambit nga taeatapan.
Una kara, temporaryo man nga ginsarado ro accounting ag assessor’s office matapos nga ro pila ka mga empleyado hay nakasalamuha ro sangka covid-19 positive case.
Sa pihak nga parte, ginpaidaeom man sa granular lockdown ro Brgy. Palale sa nasambit nga banwa matapos nga nakalista it 13 ka mga indibidwal nga nagpositibo sa nasambit nga masakit.
Sa makaron hay nagapadayon ro monitoring ag contact tracing it Banga Municipal Health Office agud nga indi eon mag-eapta ro deadly virus.
