Suno sa mga eksperto, sangka tumaeagsahon nga kahigayunan nga mag-itlog ro manok it korteng malibunog nga itlog.
May pagtuon nga sa kada sang bilyon nga itlog, sambilog eamang kara ro posibleng maging korteng bilog.
Rason nga nakibot eon lang si Annabel Mulcahy, sangka ginang sa West Oxfordshire kat anang masayuran nga nag-itlog it korteng bilog ro anang rescue hen nga si Twinskie.
Bangud nga “perfectly round” ro itlog, owa eagi imaw nakapati sa nakita ag nag-Google search anay imaw angot kara.
Sa bulig it internet, nasayuran ni Annabel nga “one in a billion” ro bilog nga itlog ni Twinskie.
Suno kana nga pila sa anang plano hay ibaligya ro itlog online.
Agud nga ipakita sa mga potential online buyers nga “perfectly round” ro itlog, ginboe-an nana raya it litrato kaibahan ro daywang normal nga itlog.
Sa makaron, nag-abot eon sa 480 Sterling Pounds ro offer nga nabaton ni Annabel para sa itlog.
Suno kay Annabel, pagagamiton nana sa pagpa-eapad it anang poultry ro kwartang mabaligyaan it bilog nga itlog.
