KALIBO, Aklan — Nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka musikero ag kaibahan kara matapos nga maaresto sa ginkasa nga buy bust operation sa Sitio Bantud, Brgy. Manocmanoc, Boracay, Miyerkules it gabi-i.
Nakilaea ro mga suspek nga sanday Leonel Artes Daddie, alyas Arnel Dadie, 34, ag Lemuel Carbonilla Bandanayan, 38, parehong residente it Davao City apang temporaryong naga-istar sa Sitio Cagban sa nasambit nga barangay.
Narekober halin sa mga suspek ro limang sachet it ginadudahan nga ginpamaea nga dahon it marijuana, P1,100 nga buy-bust money, passport ag iba pang importanteng kagamitan.
Ginasugid nga nakipag-transaksyon sanda sa nagpakuno-kuno nga poseur-buyer rason nga nadakpan it mga otoridad.
