KALIBO, Aklan — Nagapangatubang sa kasong pag-eabag sa Sec. 5 ag 11 it Republic Act 9165 ukon Comprehensive Dangerous Drug Act of 2002 ro sangka musikero matapos nga maaresto sa ginkasa nga buy-bust operation it mga operatiba it Philippine Drug Enforcement Agency (PDEA) ag Malay PNP sa crossing Bantud, Brgy. Manocmanoc sa isla it Boracay.
Nakilaea ro suspek nga si Wilven Lao y Mansangilid, sa legal nga edad, tumandok it Davao City ag temporaryo nga naga istar sa nasambit nga lugar.
Naaresto si Lao matapos nga magbaligya it sangka sachet it ginapatihan shabu kabaylo it P1,000 nga buy-bust money sa sangka police posuer buyer.
Narecover pa sa anang posisyon ro 5 ka mga sachet it ginapatihan shabu nga ginatantiya nga may street value nga P5,000.
Nagapadayun pa ro imbestigasyon it pulisya sa nasambit nga insidente.
