Sa pihak it pagiging Muslim country, mabatyagan gihapon ro espiritu it paskwa sa nasyon it Iraq.
Raya hay bangud nga maabo ro christian nga naga-istar ag nagatrabaho sa nasambit nga lugar.
Suno kay Bombo International Correspondent Hermie Espin, open minded ro Muslim people sa Iraq rason nga kon anu ro nakaangdan nga tradition it paskwa sa Pilipinas ag maging sa ibang nasyon hay ginapabatyag man nanda raya sa mga Pilipino.
Mismong ro amo ni Espin ro nagbakae it christmas tree nga gindisplay sa sueod it panimaeay agud nga makit-an ro simbolo it paskwa.
Sanda nga mga pinoy sigon hay naga-organisa it mga christmas party ag nakikipagbahin man ro andang mga kakilaeang Muslim.
Apang, ro pagkaon hay uwa it baboy rason nga uwa sanda it matawag nga pinaka espesyal nga pagkaon sa tyempo it paskwa.
Ro santa claus hay ginatawag nga baba noel.
May nativity scene nga makit-an sa christian churches ag nagapatigayon man it simbang gabi ukon misa de gallo.
Maskin siin suno kana nga shops ag malls hay may christmas decoration rason nga pamatyagan nanda hay uwa sanda nagpaeayo sa Pilipinas.
Ro mismong mga muslim people pa ro nagata-o it regalo sa andang mga employee bilang pasaeamat ag pagpabatyag kanda it importansya sa tyempo it paskwa.
