Naga-abot eon sa 3,335 ro numero it mga indibidwal nga naaresto it pulisya bangud pa gihapon sa pag-eabag sa election gun ban.
Sa pinakaulihing datos nga ginpagguwa it Philippine National Police (PNP), 3,201 sa mga naaresto hay puro mga sibilyan, samtang kapin sa 61 ro mga security guards, 25 ro mga police personnel, 22 ro mga military personnel, ag 26 ro naghalin sa nagkaeain-eain nga mga sektor.
Sa ginkasa nga 3,127 nga mga law enforcement operations it mga awtoridad halin kat ipatuman ro gun ban hay kapin sa 1,197 ro numero it andang nadakpan halin sa Metro Manila, 362 sa Calabarzon, 342 sa Central Visayas, 306 sa Central Luzon, ag 195 sa Western Visayas.
Samtang, kapin sa 2,585 nga mga firearms ro andang narekober, 1,069 nga mga bladed weapons, 133 explosives ag 16,330 nga mga bala.
