NATIONAL News — Ginpaathag ni Pangueong Ferdinand ‘Marcos Jr. kun ham-an nga nabuhayan imaw nga taw-an it katumanan ro anang campaign promise nga P20 kada kilo it bugas.
Sa naging diskurso it Pangueo sa One Cebu rally, ginpahayag nana nga kinahangean it gobyerno nga magtau anay it bulig sa mga lokal nga gobyerno kaibahan eon ro probisyon it makinarya.
Gintutukan anay suno kana ro pagtau it bulig sa mga mangunguma eabi eon ro pagtau it mga makinarya, pagpatindog it mga processing center ag iba pa.
Nagapati man imaw nga mas mabaskog eon makaron ro agricultural sector sa nasyon.
”Ngunit ngayon matibay-tibay na ang agricultural sector natin. Kaya’t pinropose ko po sa lahat ng mga gobernador ng Visayas na sabi ko, ‘Bakit ‘di natin subukan itong P20 per kilo dito sa inyo?”’ pahayag ni Pangueong Marcos.
Sa pihak nga parte, nauna eon nga nagdesisyon ro Department of Agriculture (DA) nga temporaryong ipapundo ro pagbaligya it P20 kada kilo it bugas sa sueod it 10 adlaw bilang pag-respeto sa ayuda ban sa tunga it tiempo it eleksyon.
Kaibahan sa ginbawae it Comelec hay ro pagpatigayon it Assistance to Individuals in Crisis Situations (AICS), Tulong Panghanapbuhay sa Ating Disadvantaged/Displaced Workers (TUPAD), Pantawid Pamilyang Pilipino Program (4Ps), ag Ayuda para sa Kapos ang Kita Program (AKAP).
Nagpaandam ro Comelec nga ro sin-o man nga maga-eabag ag magapanupod it ayuda sa gintaeana nga tiempo hay magapangatubang sa kaso ag posibleng makulong it sang dag-on hasta an-um nga dag-on base sa Omnibus Election Code.
