-- ADVERTISEMENT --
Kalibo Aklan —– Fractured ro tuo nga siki it sangka menor-de-edad matapos nga matumba ro gina-angkasan karang motorsiklo.
Ro biktima hay ginkilaea kay Jerwin Cuatriz, 14-anyos ag residete it Brgy. Bay-ang, Batan.
Base sa inisyal nga imbestigasyon, ginsueang sigon ro biktima it anang barkada para mag-adto sa Barangay Cabugao agud nga idto magkatueog.
Apang bangud sa impluwensya it makahieilong nga ilimnon, nadueaan it kontrol sa manobela ro driver it nasambitan nga motorsiklo ag gulpi eamang nga natumba.
Kasunod it andang pagkatumba hay natukon it biktima ro anang tuo nga siki nga nangin rason man pa raya hay mabali.
-- ADVERTISEMENT --
Sa makarun hay nagapabilin pang confined sa Aklan Provincial Hospital ro biktima para sa nagakaigo nga pagbueong.
