National News——Naga-abot eon sa kapin sa 40,000 accomplished ballots umpisa nga ginpatigayon ro local absentee voting ro nakaabot sa taeatapan it Commission on Elections (Comelec).
Raya hay gindaea anay sa Bureau of Treasury sa Palacio del Gobernador sa Intramuros, Manila kun sa siin idto anay raya pagatagu-on.
Bangud dueungan raya nga pagahuyapon sa Mayo 9 it gabi-e.
Sandig sa listahan it Comelec, owa pa sanda it nabaton nga accomplished ballots maghalin sa mga bumoto sa Philippine Navy.
Samtang, ro mga balota maghalin sa Bureau of Fire Protection (BFP), Department of Interior and Local Government (DILG), Department of Foreign Affairs (DFA), Public Attorneys Office (PAO) ag National Power Corporation hay manaba gihapon ro numero nga nabaton it poll body.
Para sa LAV, may 84,357 ro naaprubahan nga makaboto.
Ro mga bumoto sa idaeom it LAV hay ro mga may duty ukon magaserbi sa adlaw it eleksyon.
