Kalibo Aklan ———–Ginkumpirma it Malay Transportation Office (MTrO) nga nakabatun sanda it kapin sa 28 ka mga reklamo maghalin sa mga pasaherong nagasakay sa mga nagabiyaheng e-trike sa Isla it Boracay.
Suno kay Ryan Tubi it MTrO nga ro masaming ginareklamo it mga pasahero hay ro pagpili it mga driver’s it andang ginapasakay nga pasahero, sobrang pagpanukot it pamasahe, ag bukon it manami nga pagbinatasan.
Bangud sa mga nabatun nga reklamo hay uman sigon nanda nga gin-orient ro mga e-trike drivers.
Samtang, gina-enggayo man kara ro mga pasahero ag turista nga bisitahon ro facebook page it MTrO ukon boe-on ro andang hotline number agud nga maireport ro mga driver’s nga owa nagasunod sa andang pagsinoeundan.
Agud mas maging valid ro reklamo hay dapat nga boe-on ro franchise number it ginasakyan, tandaan ro oras, ag boe-an it picture ukon video nga magamit bilang ebidensiya.
Ro sin-o man nga mapamatud-an nga nagbayolar hay posibleng magpangatubang it P2,500 nga multa.
Samtang agud mas nga madisiplina ro mga driver’s hay may anda man sigon nga bag-ong ordinansa nga puwedi rayang ma-deport sa ikatlong beses nga pagbayolar.
