Kalibo Aklan ——–Bukon man it pabor ro Natives of Boracay and Business Stakeholders, Inc. sa ginaduso nga Boracay Island Development Authority (BIDA) bill sa idaeum it pagdumaea it sangka Government-Owned and Controlled Corporations (GOCC).
Suno kay Ms. Cris Cahilig , Vice President- Internal it NABBSI nga klaro nga raya hay sangka klase it pag-eabag sa local government code it probinsiya.
Gin-insister pa kara nga ro kinahangean eamang sa Isla it Boracay hay ro general supervision it national government ag bukon it daeayon nga pagaboe-on ro kinamatarong sa pagdumaea kara.
Makabig man sigon nga “Major threat” para kanda nga mga nakikipagbato para sa land rights sa Isla ro nasambitan nga bill bangud owa kara nakabaehag kung ano ro matabo kanda ag pwedi pa nga mag-abusar it andang gahom ro mga magapungko nga opisyal.
