POLICE Report — Patay ro sangka ginang nga limang buean nga nabdos matapos bun-on ag basta eon lang nga ginpilak sa tambak it basura sa kahabaon it Juan Luna St., Tondo, Manila.
Sa bo-oe it CCTV it Barangay 61, makita ro sangka tricycle nga may ginpilak sa lugar, aga-aga it Martes.
Gin-eaum sigon nga basura ro ginpilak it driver nga nasayuran nga live-in partner it biktima.
Sa imbestigasyon it kapulisan, posible sigon nga sa sueod it tricycle hay ginbinuno ro 28-anyos nga biktima.
Nadaea pa ro biktima sa ospital it Tondo apang gindeklara raya nga patay it attending physician bangud sa naangkon nga mga igo it pagbuno sa eawas.
Ginasugid nga pirme sigon nga naga-away ro daywa bangud nga ginadudahan it suspek nga ro biktima hay may ibang eaeaki rason nga nahimo ro krimen.
Sa follow-up operation it kapulisan, nausoy ro suspek sa Baliuag, Bulacan kaibahan ro sambilog nana nga unga.
Suno sa taga-barangay, naeakot eon man ro suspek sa natabu nga hostage taking sa C.M Recto Avenue ko Pebrero.
Buyot eon it MPD-Homicide Section ro suspek nga nagapangatubang sa kasong murder.
