Nabdos nga ginang, nagcollapse matapos nageskandalo ro sangka construction worker

Kalibo Aklan ——-Nagcollapse ro sangka ginang nga daywang buean nga nabdos kasunod it alarm and scandal nga gintuga it sangka construction worker sa Brgy. Poblacion, Makato.

Ginkilaea ni PSSgt. Nederden Patani it Makato PNP ro tagreklamo nga si Alvin Cruz, sa legal nga edad ag residente it nasambit nga lugar kon sa siin ginasugid nga nagwala sa andang baraka ro ginatumod nga suspek nga si Dexter Hilario, 39-anyos.

Bangud kara, kinoebaan ro anang asawa nga si Florabel Cruz nga gintunaan it anang pagcollapse.

Angot kara, insigidang gindaea sa ospital ro ginang para sa anang nagakaigong medikasyon.

Samtang, ro kaso hay ginrefer it pulisya sa natungdan nga barangay justice para sa nagakaigong disposisyon.