-- ADVERTISEMENT --
KALIBO, Aklan — Nasapwan eon ro bangkay it sangka 26-anyos nga daeaga nga naeunod sa sangka suba ku adlaw it Sabado matapos nga anuron it tubi samtang naga pauli sa andang baeay sa Sitio Mamaea, Brgy. Medina, Madalag.
Narekober ro bangkay ni Manilyn Castro sa kaiping nga barangay it Mamba, haeos sang kilometros ro distansiya sa gin euntaran it insidente.
Suno kay Mary Grace Castro, 17-anyos, samtang patawid sanda it anang magueang sa suba hay gulpi eon lang nagtaas ro tubi dahilan nga gin anud sanda.
Maswerte sigon imaw nga nakaeowas ag nabuytan pa ro alima it magueang apang, nakabuhi raya ag eubusan nga gin anud it tubi.
