Kalibo Aklan ———–Uman nga ginpunto it sangka batikan nga abugado sa probinsya it Aklan nga ro naexperiensyahan makarun nga super bigtime oil price hike sa presyo it mga produktong petrolyo hay tuga sa gihapon it epekto it nagakatabong kinagamo sa tunga it nasyon nga Russia ag Ukraine.
Suno kay Atty. Plaridel Morania nga bangud sa matag-as nga ambisyon ni Russian President Vladimir Putin hay apektado makarun ro haeos kaabuan nga nasyon kaibahan eun ro Pilipinas.
Sa pihak kara, may mahimo man sigon ro national government agud nga malikawan ro grabe nga epekto kara.
Suno kay Atty. Morania nga dapat hay suspendihon anay ro excise tax sa mga prudoktong petrolyo.
Samtang bangud sa sigidas nga pagsipa it presyo it mga produktong petrolyo hay pagaeauman man sigon ro pagtaas man it presyo it iba pang mga baeak-eon.
